تقدر تقولي؟؟؟؟؟؟

تقدر تقولي انتي مين؟
لية دايما ساكت حزين؟
تضحك مع البني ادمين
اما لوحدك حزنك دفين
تقدر تقولي ناقصك ايه؟
علشان تهرب منه ليه
تغسل همومك بين ايده
وتتوب بجد بحبك فيه
تقدر تقولي مين معاك لو خسرتة فيوم؟
دي الحياة في بعده هلاك وانت مقضيها نوم
جرب تذوق يوم حلاوته وانت قلبك مهموم
الانسان:
ومين قالك اني بعيد
انا بحاول ودة اكيد
وكمان دعايا عمرة مديد
وربي دايما غفور شهيد
يا ابن ادم حرام عليك
فوق بقى فتح عنيك
ياما نسيت فضله عليك
وتعصى وترجع تقول ياريت
كلو يوم جديد بيبقى عليك شهيد
مش ناوي تفوق بقى عشان تبقى سعيد
الدعا مش كفاية لازم الاسباب
جرب وايدك معايا...يلا ندق الباب

هناك 4 تعليقات:

Crazy Rose يقول...

يااااااااااااااه يا هبه
go on please
كملى وطلعى كل اللى جوه يمكن ترتاااااااااااح

لست كغيرى يقول...

اول مرة اقرا حاجة ومش اعرف اكتب تعليق عليها...او وانا بقراها مايجيش فى دماغى حاجة اكون عايزة اكتبها بسرعة عليها
مافيش غير حاجة سؤال...الانسان دا ليه تعبان اصلا؟
انا مش شايفا حاجة المفروض تتعبه...كل الموضوع انه عايز يظبط هو وضميره دا مع بعض شوية حاجات...هو عارف سكة ربنا وبيدعى دايما...ضميره عايزة يشد حيله شوية مش اكتر....يبقى ليه بقى سوء التفاهم اللى بينهم دا؟
الشعر جمييييييييييل اوى والاسئلة صياغتها حلوة
ممكن نعتبر ان دا كان حاجة كدا زى مايكون حوار مع النفس فى وقت شده او ضيق....لان دا سمة النفس لما بتكون مخنوقة...الافكار متضاربة او مش عارفه تتجمع فى حتة واحدة مع بعضها او تلاقى نقطة تلاقى تمسح سوء التفاهم دا

Dr_HamZA يقول...

هبه

,واحد نفسه يتغير يقول...

عايزه تعرفي انا مين؟
انا انسان حزين
حزين علي نفسي
وخجلان
عارف الحق
وعارف ان مش ليا غيره
بس ذنوبي عن رؤيته منعاني
مش عشان عفوه اقل
انما عشان القلب
اصله هو اهل الكبرياء
ومريضاش حد معاه فالقلب
والذنب في القلب عيب
ميخلهوش اهل للحضور
القلب مريض عليل
نفسه يشفي وينور
عشان يستحق انه يكون اهل
بس المشكله انه مش عارف
مش عارف يقطع علاقته بالدنيا
عايز يطلقها بالتلاته
بس لسه مش قادر
جايز كسلان
او ساعات طمعان
بس الاكيد انه انسان ندمان
والاكيد انه خجلان