ححكيلكوا حكاية شقية........حكاية بنت عصرية...بدينها ملتزمة ومحمية
دخلت تنام صاحبتنا في يوم من الايام.....لكن جافاها النوم وخاصمتها الاحلام......سهرت تفكر فيه....وتقول امتى حتيجي ليالية؟.....سمعت صوت مرايتها....بتقولها دة مين؟....اللي قلك كدة ومسهرك ليومين....قالتلها فارس على حصانة شايفاها....جاي من بعيد وبينديلي سامعاه....بيقولي متقلقيش ....من غيرك مش حعيش....ونصيبنا حيبقى سوى....نكبر ونحلم فيه.....ردت وقالت دة ليه كدة؟!!!.....قصدي ليه متاكدة؟.....قالتلها ربي كريم....وبقلبي دايما رحيم.....قالت طيب هو مين اوصفية؟....قالتلها...بدور علية....في حضن امي وخوف ابويا....في صبر عمي وحمى اخويا.....في فرح صديق.....في شدة وضيق....بدور علية.....في شجاعة قلب بيحب بجد....في راحة وود ملهاش حد....في امان عصفور في عيش بعيد....في رضا فقير بكرب جديد....في شهامة جار....في عيون ابرار...بدور علية....في كلمة حلوة بين اتنين....في صحبة صالحة بين عبدين......في غيرة بنت على حبيبها....في ضحكة بيبي لجدتها....في صدقة غني على مسكين....في طهارة دمعة قلب حزين....بدور علية....في نظرة شذر للغلطان.....في استعطاف حد جبان.....في شقاوة طفل صغير....في براءة حد يحير.....في رجولة سي سيد...وفي حب امينة......في طاعة ابن بيأيد......في جراءة خطوينا.......في غضب قائد من عساكر كسلانة....في عيون بالحب ملايانه.....بدور علية.... في كل معنى من المعاني....حلم يصور الاماني....بدور علية......في فرحة تاية بالمنقذ....في دايرة احلام تتنفذ....في اثبات عامل جديد لذاته.....في ندرة حب حد لحماته.......بدور علية .....في استبثال شهيد.....في جنان فكر جديد......في تقوة عبد في رمضان.....في كفالة يتيم غلبان..........بدور علية...في رومانسية عرسان جداد......في احتواء ام للولااد.....في نقاء الابيض.....في الاختيار الاصح والاصعب .......في دعوة من قلب يااااااااارب....في كل حاجة ممكن تتحب
مهما قلت مش حعرف اوصف حلمي بيه.....بكرة تشوفى بنفسك كل دة في عينية
ردت عليها بسخافة....ودة فين حتلاقية يا استاذة؟....قالتلها بكبرياء...هو حيلاقيني وفي مكاني حيجيني....اصله اكيد بيا بيحلم وبيدور علايا كمان..اصل الطيور بتتجمع وتهاجر وترجع بأمر من المنان......انا وانتي والايام بنا...كفيلة تحقق الاحلام
هناك 6 تعليقات:
اااااااااااااه....وعجبي
ربنا يعينك عشان تلاقي انسانك الفارس....بصراحه صعب...بس كونك تخيلتيه فده اول الطريق...والطيور علي اشكالها تقع
............
المعاني والامثله اكتر من رائعه ..بتغطي كل جوانب شخصيه وحياه الانسان....وبترد بمنتهي القوه وبشكل قاطع علي مدعي عمي مراءه الحب...وبتثبت ان كل الكلام اللي حوالينا عن الحب ....كلام فاضي وعبث وحاجات تانيه يعف القلم عن ذكرها....الي كل الباحثين عن الحب...ها هوذا!....
كلمه اخيره
بين الضلوع قلب يخفق كالبركان....ولكن بين الناس جبل شامخ زواله في ذهن الناس محال....لكل بركان لحظه ثوران.....يقضي بيها علي عصر الجليد...واما يدمر بيها نفسه واللي حواليه ...
وعجبي
"في حضن امي وخوف ابويا....في صبر عمي وحمى اخويا.."
"في شقاوة طفل صغير....في براءة حد يحير.....في رجولة سي سيد"
"في استبثال شهيد.....في جنان فكر جديد......في تقوة عبد في رمضان.....في كفالة يتيم غلبان..."
".....في الاختيار الاصح والاصعب ...."
"في كل حاجة ممكن تتحب"
........................
........................
وأنا كمااااااااان بدّور عليه
......
........................
بس
........
"هو حيلاقيني وفي مكاني حيجيني.."
...............
أسلوب جميل أوي ياهبه
وأسلوبك القصصي تحفة
........
معاني أجمل من أنها تتوصف
جميلة جدا
ربنا يجعل نصيبك زي الأخت العصرية ..بس لما تلاقيه ...أو يلاقيها
..........
فعلا الايام كفيلة تحقق الاحلام
احلى مافى الموضوع انك كتبتيه باسلوب مختلف جدا بمعنى انك مش وصفتى فارس احلامك بطريقة تقليدية....يعنى يكون كذا وكذا وكذا..لا وصفتيه بطريقة اعتمدت كل الاعتماد على التخيل والتفكير ...فى ان اتخيل كل كيان من اللى انتى وصفتيهم وافكر فى صفاته ...وبعدين فى الاخر اجسدها كلها فى شخص واحد...ويبقى الشخص دا هو فارس الاحلام ...ودا طبعا يخلى اللى بيقرا مخه شغاااال معاكى لحد الاخر ومش يمل...فبجد اسلوب رائع زى مامتعودة منك فيه من روحك ..وكمان خلاص كدا انتى اكدتى ليكى اسلوب بعد كدا لو مش كتبتى اسمك على موضوع وانا قريته هاعرف انه بتاعك....
واخيرا...مع انه صعب تلاقى واحد فيه كل الصفات دى...بس انا واثقة انك هتلاقيه ممكن يكون مش كل حاجة اتخيلتيها فيه...بس هتلاقى فعلا حد تحبيه بكل مافيه ويكون معظم الصفات اللى فيه هى اللى حلمتى بيهاطول عمرك....بس ماتنسيش توريهولنا ساعتها...اه عشان فى ناس كدا تعد تحكى وتتخيل وتخلى الكل يحلم معاها...واول ماييجى فارسها دا....تقفل ع الموضوع ..ماتعرفيش بقى بتخاف تتحسد ولا بتتكسف ...الله اعلم ...بس المهم مش تعملى كدا...احنا ذاكرناه كويس معاكى..عايشين نشوف النتيجة بقى
مممممم
والله كلمتك الاخيرة دى حلوة ياواحد...عجبتنى جدا...وصفتها كويس اوى...ربنا يستر من البركان دا....
صحيح برده..انا مش فاهمة ليه دايما متحاملين على كلام اللى حوالينا عن الحب...مش دايما بيكون كلام مبتذل وغريب...باالعكس فى حاجات كتير جميلة ومعانيها كويسة...وكتير من كتاباتكوا مش بتختلف عنها اوى...كل واحد بيشوف الحب من وجهة نظره هو...يعنى مش قاعدة ثابته...وكل واحد من حقه يعبر عن حبه بطريقة او باخرى باسلوب او باخر..ودا اللى كلكوا عملتوه...كتبتوا عن الحب من منظوركوا انتوا زى ماللى حوالينا اللى كلامهم مش عاجبك كدا كتبوا عن الحب بمنظورهم برده...هو مش دايما بيبقى طريقته حلوة..بس للانصاف فى كلام برده حلو جدا....فبلاش نعمم القاعدة....وممكن نقول ان كلام كتير من اللى حوالينا عن الحب...كلام فاضى وعبث وحاجات تانية يعف القلم عن ذكرها...وليس..كل كلام اللى حوالينا عن الحب
مش كنت عارفة ابدا بس كان لازم اقول يااااااااااارب تلاقيه
صحيح صعب يتلاقه بس الصعب بشوية تعب يبقي سهل
انا مش هعرف انقلك احساسى وانا بقرأ كنت حاسه انه قرب يبقى ملاك مش بشر شايفة فى كل مكان حنيه وطيبة
حب وعطاء
اتقان وصرامة
صدقة احسان
مش عارفة اوصفه صحيح شفته بس فى حتت كتير ومش فى حتة واحدة
يا رب تلاقى ملاكك مش بس فارس احلام
انا مش عايزة اشوفه كفاية قلبي شافه وحس بيه ودلوقتى كمان بيدعى يلاقى زيه لو فى
فالدنيا اتنين
اااااااااااااااااامين
أولا سورى ان التعليق متأخر
بس اول مرة قريت فيها الموضوع حصل مشاكل كده فى جهازى العجيب ده قلتلك عليها
لكن خلينا بقى فى الكلام الراااااااااااااائع بجد اللى انتى كاتباه ده
بجد أكتر من رائع يا هبه والاسلوب حلو أوى وحكاية الحوار بينها وبين نفسها حلوة جدا وأضافت حيوية للموضوع فى صورة لذيذة جدا
وبجد هو ده الفارس اللى أى بنت تحلم بيه وتتمناه
فى الاحساس بالأمان والحب والحنية والصبر والنجاح وحاجات كتير أوى
ويارب يا زيتونتى تلاقى الشخص ده يارب
ويارب تلاقيه كل بنت بتحلم بيه
إرسال تعليق