أين أنتي يا نفسي

أين أنتي يا نفسي أين أنتي؟ أضللتِ طريقك وسط الزحام أم صمدتِ؟....أحافظتِ على القيم وحسن الشيم أم ضعفتِ؟....أين أنتي يا نفسي أين أنتي؟.... مالي أراكي مكبلة الأيدي ضعيفة الحيلة....اهو جبن منكِ أم أغلقت الطرق المستنيرة؟....هل أعجزتكِ الدوامات على إكمال المسيرة...أم أثرتي الاستجابة للدموع الغزيرة؟....أين أنتي يا نفسي أين أنتي؟....أعلن عليكِ العصيان حتى تعودي كما كنتِ فلتداوي جراح الماضي وتمتعي بالقلب الراضي.....ألم تفتقدي السلام؟....وراحة البال والاطمئنان؟ أين أنتي يا نفسي أين أنتي؟.....آلمني فراقك فهل تعودي تنجيني...مالي سواكي أريد حضنك ليأوينِ ....أين أنتي أجيبيني....كي ترتاحي وتريحيني أين أنتي يا نفسي أين أنتي

هناك 6 تعليقات:

روح من الله يقول...

طول عمرك تخصص في الشعر والنثر
حلو أوي
وكمان بتكلمي نفسك بالشعر ؟؟؟؟

أما بالنسبة للموضوع أنا رأي إنك تعلني الحرب ويا أنتي يا هيه لا يوجد شئ نخسره وإن شاء الله إنتي إلي تكسبي بس من غير ما تجلدي نفسك ..... ده كلامك علي فكره

ولإن أكيد أي حد فينا حين يكون مستاء من نفسه يشتاق إلي نفسه الهادئه المطمئنه البشوشه المتقائله لذلك من السهل جدا كسب هذه المعركه

ربنا معاكي
ويقويكي ويرسل لكي جند من السماء يعينوكي علي هزيمة الأعداء

إلى متى ؟! يقول...

مش عارفة أعلق على روعة الأسلوب والبلاغة والتضادات الكاشفة عن عمق الصراع والسجع المتآلف الغير متكلف؟

ولا أعلق على المعنى اللى مقدرتش أقول قدامه غير"لا إله إلا الله.ربى لا شريك لك"؟

ماهو اكيد اللى يخلق النفوس كلها كدة بنفس الحال مينفعش يكون اكتر من اله

ولا أسيب دة كله ونتناقش نعمل ايه مع نفوسنا اللى مغلبانا دى؟

بصى مش هقدر اقولك دلوقتى غير بجد ابدعتى

ونسيب مناقشة الدواء لوقت تانى

بس انا مش متفقة مع "روح من الله"على إن كسب المعركة سهل جدا زى مابتقول

هو صحيح احنا بنبقى مشتاقين لنفوسنا الهادية المطمئنة زى ما قولتوا بس نفوسنا بتستسهل
وبتستعجل وهية دى مشكلتها

بس أى كان العلاج موجود وان كان محتاج شوية مجهود
وإلا مكنش ربنا قال:
" أحسب الناس ان يتركوا ان يقولوا آمنا وهم لا يفتنون. ولقد فتنا الذين من قبلهم فليعلمن الله الذين صدقوا وليعلمن الكاذبين"

"أم حسبتم أن تدخلوا الجنة ولما يأتكم نبأ الذين خلو من قبلكم مستهم البأسآء والضرآء وزلزلوا.حتى يقول الرسول والذين آمنوا معه متى نصر الله.ألا إن نصر الله قريب"

,واحد نفسه يتغير يقول...

مممم...بغض النظر انك مبعتيش اللينك بس انا مضطر اعلق!....حلاوه الكلمات بتضطرني اني اعلق...
اولا بالنسبه للأسلوب...اسلوبك حلو جدا...تقريبا احلي اسلوب قريته ليكي عالمدونه ...احلي تراكيب واحلي تعابير وتشبيهات ...انتي دايما بتسأليني عن اسلوبك...بجد انتي ارتقيتي المره دي بالاسلوب...ملقتش فيه غلطه او تعليق...حسيت انه مكتوب بتأني ومن غير استعجال...حتي ان كان مكتوب في وقت قصير...بس اللي بين السطور واخد حقه...طالع براحه و مفيش فكره جت قبل الاخري...من غير عجاله او استعجال عالنشر..
ثانيا المضمون...فدائما الصدق فالكلمات احسن فضيله....كلامك ده بيعبير بصدق عما يدور فخاطرك وخاطرنا...كل انسان فينا الخواطر دي دارت بخلده في فتره من الفترات...كل واحد عنده طيف في خياله عن نفسه دي نفسه يوصلها او حتي يرجعلها تاني...انه الحنين!
الحنين الي الهدوء والسكون...الحنين الي الركن الشديد...الحنين الي الاصول والجذور...!
ولكن دعيني اختلف معاكم في حاجه...هي مش حرب ابدا ولن تكون!الموضوع ترويض!الشده واللين....الجزرو والعصا...نفسنا زي الفرس الجامح في مروج البريه...جل ما يحتاجه الفارس ليفوز بالسباق هو ان يروض فرسه....اما اذا كان ممن يعيشون لنشوه اومتعه لحظيه...فليتركه هكذا لجموحه وانطلاقه..ولكن عن الهلاك في البيداء لن يبتعد مصيره ومصيرها كثيرا.....
ونصيحه لنفسي اولا وانتي ثانيا...لا تضعي ابدا ما كان نصب عينيكي...فالتغير والحركه سنه اللي في كونه...فلتضعي دائما ما يجب ان يكون لتصلي اخرا الي ابدع ما يكون ....
وجزاكي الله خيرا علي هذه الكلمات.

لست كغيرى يقول...

رااااااااائعه!!!!

Psycho Hanem يقول...

سمعتها منك كذا مرة
ويمكن أنا أول حد سمعها زمان قبل ماتكمليها
أو سمعها بعد ما كملت
.................
بس بجد محستش حلاوتها كده
ولا حلاوة الكلمات والتعبيرات
ولا المعنى المدفون في كل كلمة ردمتي بيها إحساسك إللي طلع غصبن عن كل ده ودخل قلبي وحسيت بيه أوي
.................
ربنا يهديلك نفسك
دا دعاء بدعيه لنفسي وللكل
............

غير معرف يقول...

مش عارفة لية انا بعلق علي الموضوع دلوقتى
بس انا قريتة كتير وهقراة اكتر يمكن مكنتش حاسة كل جزء فية اوى مكنتش حاسة كل كلمة بس كنت حاسة بعضها لكن دلوقتى حاسيت كل كلمة اوى ومش بس كدة كمان عشتها وتقريبا كنت بعيش كل كلمة زي ما انتى وصفاها بجد وصفك رائع اوى وتعبيراتك صادقة اوى
انا مش بعرف اعلق علي الاسلوب اوى بس ساعات في اسلوب بيفرض نفسة على الناس انها تعجب بية ودة بالظبط اللي انا حاساة في الموضوع دة
بس ارجع للموضوع تانى انا حاسة ان نفسنا دى السهل الممتنع يعنى بتبقي حلوة اوى اوى بعيدة اوى وممكن تبقي الاتنين في نفس الوقت ممكن تكون تايهة منك وبتعزبك في نفس الوقت
مش ممكن تعرفي تهربي منها لانك مهما عملتى هي الحد الوحيد اللي مش هيبعد عنك ومهما هربتى منها بتضطرى انك ترجعلها تانى
بصي سهل ان احنا نقول ان الواحد ممكن يكسب المعركة الوهمية دى مع نفسة لكن صعب نطبق عشان اسباب كتير منها ان انت بتعتبر نفسك عدو ليك رغم انها في اي وقت هتحتجها هتلاقيها مش هتهرب منا زي ما بنعمل
وفي الخر بحس انك لو خسرتيها بعد كدة بتخسري كل شيء لو هربتى منها هتهربي من كل شئ بعد كدة يعنى اصلا اللي مش عارف يتعامل مع نفسة اللي هي اقرب حد لية مش هيعرف يتعمل مع حد تانى بس انا بقول الكلام دة وانا مقتنعة بية اوى بس بردوا مش عارفة اطبقة ونفسي اقنع نفسي انها تطبق زي ماا قنعتها بالكلام دة