من الطارق؟

"تك تك تك" ....قوم يا عم النايم افتح الباب
عم النايم:لا يا ماما خلي عم الشيخ بتاعك هو اللي يفتح
مؤمن: حاضر يا سيدي بس خليك فاكرها
مين يابني .......مالك متصمر كدة ليه؟ قوم ياعم عاصي شوف الاخوك
عند الباب
النايم: ايه يابني مالك متصمر كدة ليه؟..........وايه دة كلة..........واووووووووووو
المؤمن: شايف يا بني الجمال دة كلة انا مش مصدق عنيا
النايم: لا ومش اي جمال يا معلم......بس من امتى يا عم الشيخ وانت بتركز في الحاجات دي؟
مؤمن:انت اللي من امتى؟......انا بجد فرحان قوي اني انا اللي فتحت الباب
النايم:ايوة يابني بس ابوك وامك حيدخلوا البلاوي دي؟
مؤمن: بلاوي ايه بس؟ طبعا حيدخلوا هو حد يجي الخير لحد عنده ويرفضة؟
النايم: نعمة ايه يابني؟ دي موزز ومسلسلات وتريقة وفرفشة للصبح
مؤمن: ايه العك اللي بتقولة دة؟ بزمتك في شيخ زي البدر حيجيب القرف اللي بتقوله دة دة جايب خير كتير اوي ورزق مش شايف اخرة
النايم:..ايه دة؟ انا مش شايف حاجة من اللي بتقولها دي
واخذ الفتيان يكذب بعضهم البعض الى ان سمعا صوت حنون هادئ يقول:
اهدوا يا شباب ومتتخانقوش.....انتوا صح ومكدبتوش....انا ضيف كريم عليكم ....زي ماتحبوا حديكوا...
انت يا نايم عايز ايه؟......عايز موزز ومسلسلات انما ايه....اخر حلاوة وقشطة يا بية....ليك زي ماقلبك عاز بس الذنوب .....متنساش
وانت يا مؤمن قبلك سليم شوفت عندي خير عظيم اجر وثواب مالوش حساب.....وكل دعائك مستجاب.....لو احسنت العمل واحتسبت الثواب
عايزين تعرفوا مين انا؟......انا شهر واحد فالسنة....انا رمضان يا مسلمين....جاي بالخير العظيم
حتضيعوني في المسلسلات والا حتتحسبوا الاجر والثواب
فاق الولدين على ضحك شديد...لاقوا ابوهو واقف بعيد.....وقال يالا نبتدي شهر جديد....ونقول للمسلسلات بعيد بعيد

هناك تعليقان (2):

لست كغيرى يقول...

ماشاء الله ياهبة الموهبة فى ازدياد والابتكار فى طريقة العرض للموضوع فى ازدياد اكبر لولا انك هاتكونى دكتورة ناجحة كنت هاقولك خسارة ليكى الكلية دى بس مش مشكلة المهم تفضلى تبدعى بالشكل دا وزى مامصطفى قالك قبل كدا على المقال اللى فات انه بدايه عمل ادبى كبير بقولك ان دا تانى المقالات فى عملك الادبى الكبير حقيقى اسلوب مميز استخدمتى الطابع التشويقى اللى من مميزات القصة القصيرة مع انك مش بتحكى قصة بس استخدمتيه استخدام حلو تفننتى فى استخدام بعض كلمات مسجوعة افادت اوى تاكيد الطابع النثرى اللى فعلا مبدعة فيه دا طبعا ناهيك عن بساطة الاسلوب وتمكنه والحوار الشيق بين اخين اتسم بالواقعية لان فعلا انتى جسدتى حالة موجوده فى معظم البيوت دا غير استخدامك لاسلوب كلماته رقيقة وبسيطة وهادية اوى وانتى بتكلمى بلسان رمضان حسستينى فعلا بالسكون والطمانينة فى النفس اللى بيدخل بيها الشهر الكريم علينا يعنى من الاخر عمل متكامل مش ناقصة اى حاجة عمل ابداعى فعلا طريقة عرضه للفكرة جديدة على اذنى ربنا يوفقك يازيتونة وعقبال ماتكملى اعمالك الادبيه ويوصلوا....................
ارجو تكملة هذه العبارة فى الوقت المناسب

,واحد نفسه يتغير يقول...

حلوه يازيتونه مع انها صغيره!
عجبني استخدام الفاظ واقعيه ...وكمان الكلام المسجوع
وعندي تعليق صغير عالمضمون-اذا سمحتيلي يعني-: انتي اخترتي نموذجان حقيقان من الحياه وان كان كل منهم يجنح لطرف من المعادله يعني واحد (حلو) وواحد(وحش)!انما مشكلتنا ان احنا واقعين فالنص...يعني عايزين نصلي ونصوم ونغترف من الحسنات والفرص وفي نفس الوقت عايزين نفرفش شويه كده و نتفرج علي حاجه حلوه....مشكله الشباب انهم مأخدوش طرف من المعادله لسه...لسه بيتمرجحوا بين الواحد والصفر ايجابا وسلبا...بس هذا هو رأي ولكن اجمالا...عملا جيد يا زيتونه.